Friday, May 18, 2007

مين ميحبش عدويــة !!؟


زحمة يا دنيا زحمة
زحمة و تاهوا الحبايب
زحمة ومعدش رحمة
زحمة مولد وصاحبه غايب

أول مرة سمعت الأغنية دى انتباتنى حالة من الفرح و الانبساط والمزاج .. من صوت عدوية و كلمات الأغنية .. اتذكر وجه محمود عبد العزيز فى فيلم .. الشقة من حق الزوجة .. و هو يغيظ حماته و حالة المزاج العالى التى تنتابه ويتراقص على نغمات زحمة يا دنيا زحمة

ثم توالت ابداعات عدوية ... اسح ادح امبو ... بنت السلطان .. ام عبده فين ... طقطق ... سلامتها ام حسن .. ستو .. واهم اهم اهم و اتعلموها بقى و الكثير ولكن أكثرهم ابداعاً و تناغماً .. قراشنجى

قراشنجى دبح كبشه .. يا محلى مرقة لحم كبشه
عكشه .. فركش
نكشه .. طنش
ألشوه .. أألش

وسبع سلاطين ... استسلطناهم من عند المستسلطنيين
تقدر يا مسلطن يا مستسلطن تستسلطنننا سبع سلاطين
من عند المستسلطنيين

وسبع دباببيس .. استبدبسناهم من عند المستدبسين
تقدر يا مدبس يا مستدبس .. تستدبسلنا سبع دبابيس
من عند المستدبسين

وسبع لاحليح .. استحلحلانهم من عند المستلحلحين
تقدر يا ملحلح يا مستلحلح .. تستلحلح لينا سبع لاحليح
من عند المستلحللحيييييين

قراشنجى دبح كبشه .. يا محلى مرقة لحم كبشه
عكشه .. فركش
نكشه .. طنش
ألشوه .. متألــــــــــــــــش



طب بذمتك .. منبسطتش :) !!؟
لذلك قررت أن أغير مودى و أسمع عدوية

20 قــول الصــراحة .........!؟:

Ensan said...

اول ماقريت عدوية اللى جه دماغى على طول قراشنجى , مش عارف ليه , وانبسطت قوى لما لقيتك كاتباها هنا برضه
عدوية نقله للغنا , جه فى وسط العمالقة , من عبد الحليم و عبدالوهاب , وعمل لون تانى من الغنا , غريب عن للى كان موجود ايامها , وشد ناس كتييييير ,

توتة توتة said...

مود جامد يا شوشو
انا بحب اغنية اسح دح امبو مووووت

شيماء زاهر said...

أزاي يا فندم بس؟! ده أنا ابسطت جدا ..انبسطت خالص..مش قادرة أقولك كده إيه يعني..

نكشه..طنش
ألشوه..ألش

:D

REEMOO said...

رغم انى فعلا مبحبش الأغانى الشعبيه
لكن عدويه بالنسبالى عشق من نوع تانى
هو بسيط اكتر ما هو شعبى
تحسى انك وانتى بتسمعيه انك بتفكرى كل الناس البسيطه الجميله اللى عايشه فى بلدنا وتحسى انك بتشاركيهم حياتهم ودنيتهم من خلال صوته وكلماته
بتتكلمى زيهم وتسمعى زيهم من غير ابتذال او مبيئه
مغنى البسطاء فعلا
تدوينه كالعاده جميله
تحياتى واحترامى

مـحـمـد مـفـيـد said...

يخرب عقلك يا شيماء
بجد جامده جدا

تسـنيم said...

بت يا أوشو انتي تحفففففففففففة

انا قريت البوست ده امبارح من عند شقير ودخلت قريته تاني النهاردة وفعلا في المرتين اغتصب مني ابتسامة كبيرة وتركني في حالة نشوة غريبة.


محبتي وقبلاتي

Ferekico .. La Talomni said...

هي وصلت معاكي لدرجة قراشنجي يا شيماء؟ لا كده الوضع بأه ميتسكتش عليه! بس عارفة: و الله انتي سكر

BaTresYa said...

أول مره أسمعها ... كنت بسمع الناس بيغنوها ,, بس اول مره اسمعها بلحنها وصوته ... حلوة والله الأغاني اللي بتفرح دي

اعشق فى اليل ضوء القمر said...

مش عارف هو كل واحد هيغير مكان عمله هيحصله كده
ربنا يستر عليتا
على فكره أول من ساند عدويه رغم الهجوم الشديد اللى تعرضله عندما بدأء الغناء هو حسن أبو السعود
لكن أنا زهلت للموضوع عدويه !!! عدويه

mohamed kamal hassan said...

أول حاجة عملتها وانا بقرا البوست

عملت سيرش ونزلت كام اغنية لعدوية

شكرا لأنك فكرتينى بحاجة بحبها جدا من اكتر من 10 سنين

Diyaa' said...

لحاليح يا باشمهندسة ..الكيبورد بتودي في داهية
المهم إيه المود ده
اول مرة أشوفك كده
المهم إنك تكوني مبسوطة ..وماله عدوية .مقالش لأ

انتظار مؤقت said...

والله عدويه اجمل و ارقى مليون مره من الحنطره و الحناطير ...يا ريت تشرفيني بزياره ..اتحنطري لغاية عندي

.:.-=- ELGaZaLy-=-.:. said...

قراشنجى دبح كبشه .. يا محلى مرقة لحم كبشه
عكشه .. فركش
نكشه .. طنش
ألشوه .. أألش
وسبع سلاطين ... استسلطناهم من عند المستسلطنيين
تقدر يا مسلطن يا مستسلطن تستسلطنننا سبع سلاطين
من عند المستسلطنيين
وسبع دباببيس .. استبدبسناهم من عند المستدبسين
تقدر يا مدبس يا مستدبس .. تستدبسلنا سبع دبابيس
من عند المستدبسين ,وسبع لاحليح .. استحلحلانهم من عند المستلحلحين
تقدر يا ملحلح يا مستلحلح .. تستلحلح لينا سبع لاحليح
من عند المستلحللحيييييين
----------------------------

دة انتى عاملة دماخ عالية جداااا

هايل بجد ناقصلك شوية حجات بس وتوصلى لقمة اللسعان الطبيعى للحاجة الساقعة

رهيبة بجدومتغيريش الصنف دة

1ذهب مع الريح صح؟؟

دينا فهمي said...

اتبسطت ايه يا بنتى ده انا مش فاهمة حاجة (:

shaimaa said...

Ensan
عارف ان عبد الحليم كان بيستعجب انه ازاى عرف يحفظها .. وكان كل ما يشوفه يقوله انت حفظتها ازاى ؟؟
نورتنى

---------------

توتة توتة
ادي الواد لابوه
يا عينى الواد بيعيط
الواد عطشان اسقوه

وايييييييييييه شيل الواد من الارض
و مساء جامد جدا لتوتا

----------------------

شيماء زاهر
الحلوين اهم اهم اهم اهم
والطعمين اهم اهم اهم

------------------
REEMOO
و كلماتك الجميله عن مشاركة البسطا
افتكرله اغنية
ام عبده فين ..
ام عبده عندها احساس بتشارك كل الناس معروفة بست الاف راح
ام عبده فين

:))
--------------------

مـحـمـد مـفـيـد
ارجوك
هو مش ناقص خراب اكتر من كده

--------------------
تسـنيم
و من هنا اهديك اغنية
طقطق طقطق

--------------

Ferekico .. La Talomni
الله يخليك
مش لسعان بس انا بحبه والله
و من هنا اهديك اغنية
ستى بستله بسبوسة بالسمنة و السكر
و عدوية بيغنيها بمزاج عالى اوى

-------------------------

BaTresYa
وعدوية سيد من يفرح
و حتى فى الحزين
متمكن والله
راحوا الحبايب وبعدين يديها يا بنت السلطان

مش بقولك متمكن

-------------------

اعشق فى اليل ضوء القمر
ايه مش لايق على المدونة ولا ايه

و من هنا اهديك اغنية
و اتعلموها بقى و متخدوناش فى دوكة
تمسكونا بالمعلقة و .. بالشوكى

مش فاكرة الكلمة اللى بنقط دى بجد

---------------
mohamed kamal hassan
طيب عليك ربع جنيه بقى

----------------
Diyaa'
اللحاليح اى الفيلوووووووووووس

لحلح لحلوحا متلحلحا

--------------------

انتظار مؤقت
والله انت بتفهم
من غير ما اتحنطر
هاجيلك

------------------
.:.-=- ELGaZaLy
لالالا .... اسمه
المساء و السهرة
:))

----------------

دينا فهمي
انت راقية ورقيقة يا دندن
مش هياكل معاكى الهكس ده

ويلا بقى
زحمة يا دنيا زحمة

الشنكوتي الكبير said...

هو بسيط اكتر ما هو شعبى
تحسى انك وانتى بتسمعيه انك بتفكرى كل الناس البسيطه الجميله اللى عايشه فى بلدنا وتحسى انك بتشاركيهم حياتهم ودنيتهم من خلال صوته
_______________________
صراحه البنت ريمو دي شكلها كده هي اللي كان عدويه بيغنيلها
يا بنت السلطان
بس كويس انا بموت في اغنية يا بنت السلطان
واصلا انا كنت ناوي اعمل بوست عن الغاني الشعبيه دلوقتي بس انا بقى بموت في كل اغاني الأفراح بتاعة دلوقتي
واعذروني لو قلت اني بحب حتى واركب الحنطور واتحنطر اصل حرية الحنطره مكفوله لكل مواطن
ويا ريت تبقي تسمعي اغنية
قوليلي يا خاينه
سلااااااااااااااااااااااااااام

safa7_karmooz said...

قراقشنجى

اغنية تحففففففففففففففففففه

انا يوم قررت اكتب كلماتها

طلعت اجرى وراه وقعت فى اول الطريق ...ملحقتش ااكمل

البوست ده خلانى ااضحك شوية


شكرا..:)

shaimaa said...

الشنكوتي الكبير

لا كله الا الاغنية دى
مش بحبها خالص خالص
ربنا يسامحك يا رب
قال اتحنطر قال

---------------------

safa7_karmooz
طيب كويس
انه بسطتك
:) منور

Dream said...

على رأيك و مين مبيحبش عدوية و نعم المود D:

che husam said...

عدويه
ياسلاااااااااااام
فكرتينى بحاجه
كنا قاعدين مجموعة أصدقاء وجت سيرة الأغانى وأسهبت انا فى الكلام عن عدويه من ضمن الناس إللى ملهمش حل
وكان قاع معانا واحد كبير شويه قال حاجه جميله قوى
إنه كان مره سهران فى فندق خمس نجوم وكان الباند عليه عدويه وسهير زكى- أيام بقا - وبيقول إن الناس من السلطنه مع عدويه كانت بتقوم ترش ألافات على عدويه مش على سهير